Stilige raglangensarar til gutar/ungdom

Det er neimenn ikkje enkelt å finne stoff som egnar seg for karar som er litt over småbarnstadiet, så når eg kjem over noko bra er det berre å slå til med ein gong.  Dette sneakers-stoffet kom eg over på Stoff og Stil for litt sidan.

 

 

Eg er ikkje sikker på kva type stoff det er, om det er tjukk jersey eller isoli. Stødig og godt stoff som egna seg til større plagg. Armar og lommer er sydd av mørk blå ribb.

 

Uttapåsydde lommer med plass til nettbrett eller telefon er eit must.

 

Ein raglangensar i eit anna stilig stoff frå samme sjappe. Dette er å finne i årets katalog som stretch jersey.  Stoffet er litt tynnare enn sneakers-stoffet, men også dette er stødig og godt.Armane og lommene er sydd i ribb.

 

Nærbilde av det utruleg stilige printet.

 

Også her store utanpåsatte lommer.

 

Bilgenseren finnast i Eplabutikken min i størrelsane 4-6 og 8 år

Skjørt med knyting i livet

Eg kom over ein tutorial på eit skjørt eg likte så godt hjå Sewing in no man's land.

Dette skjørtet kjem eg nok til å lage fleire av. Måtte først berre sjekke om eg verkeleg fekk det til slik det skulle være.

 

 

Dette skjørtet passar ein toåring - det var omlag samme livvidde som blomstervasane mine :)

 

I livet er det okergult bommullsstoff med romantiske blomster. Midt framme er livstykket breidt, medan bak er det smalare. Dette gjev ein kjempefin effekt når ein knyter bandet framme.

 

Bak er det glidelås.

 

Skjørtet er å få kjøpt hjå Tante Melin på Epla

Fantastisk mjuk og deilig bambus

Eg har forelska meg litt i bambus frå Myllymuksut. Bambus virkar for meg å være eit fantastisk stoff, som eg kjem til å sy mykje i framover.

Det er det mjukaste stoffet eg har prøvd nokonsinne. Utruleg deilig å ha inntil kroppen.

Stoffet har stor absorberingsevne, er antibakterielt og nesten resistent mot soppså det passar svært godt som undertøy.

Bambus kan brukast på samme måte som ullundertøy. Den store forskjellen er at dei som har ein tendens til å klø av ull ikkje vil klø av bambus.

Nokre av produkta er lagt ut i Epla-butikken min

Ein lett gensar, kan også nyttast som underskjorte på kalde dagar. Denne har ein nydelig lillafarge, men på bildet ser den nesten blå ut.

Dette litt utydelige biletet viser litt meir rett farge på genseren. Halsen er kanta med grøn ribb.

Dei grøne gensarane har vore populære. Grønfargen er behagelig og fin, og kekkoane er jo utruleg søte.

Her er ein litt annan variant av den grønne. Dette er ein tenåringsmodell fotografert ute i 8 minusgrader, noko kroppsspråket bær preg av...

Denne er dekorert med søte små froskar.

Den brune varianten var jo også søt. Eg hadde ein liten diskusjon med guttungen, fordi eg var litt usikker på kva slags dyr dette er. Er det bjørn, bikkjer eller er det rett og slett ein feite og gode julegrisar??

Vi kom fram til at det heilt sikkert er små søte bjørneungar det skal forestille.

Har prøvd ut ein ny variant av bodyar. Denne har rund hals med halsribb og raglanarmar. Den er også kanta med ribb rundt arm og åpningen nederst.

Tre trykknappar gjer at den held bleia stødig på plass utan å vri seg ut til eine eller andre sida av bleia.

Selvfølgelig må det jo lagast ein gutevariant. Denne har bilar og lastebilar på kryss og tvers.

Eg er vanlegvis ikkje så glad i blått, men denne har ein deilig varm blåfarge, litt mørkare enn det eg får fram på bilda

Også denne har tre trykknappar i bleieåpninga.

Beklagar litt kjedelige bilder med litt feil fargar. Eg har ikkje program for bilderedigering på maskina eg brukar no.



Julegåvesying

Også denne jula vart det julegåvesying til søte små familiemedlemmer. Ingen som slepp unna når ein har Tante Melin i slekta ;)

 

 

Ei niese fekk sett med bukse og genser. Genseren er sydd av frotte med elghovud frå Stoff og stil. Dette stoffet tykte eg var særdeles artig, og har lurt på kva eg skulle finne på å bruke det til.  

 

Buksa er i svart kordfløyel. Lommene er utanpåsydd av det samme elgstoffet som er i gensaren. Desverre var kordfløyelen litt stiv, så eg håpar den vert mjukare i vask og litt bruk. Midjen er laga av ribbstoff, slik at den ikkje skal bli stiv å gå med.

 

Mannen i huset er fadder på ein tøff liten kar. Han fekk seg genser i Stenzostoff med amerikanske stempelmønster.

Genseren er av samme type som eg har sydd før, men etter tilbakemelding frå brukarar har eg forlenga mønsteret med 2-3 cm, slik at den ikkje skal være for kort i ryggen.

 

Dette settet er sydd i bambus frå Myllymuksut. Dette kan brukast under f. eks ein kjole, eller som undertøy. Bambus har antibakteriell virkning, er veldig motstandsdyktig mot sopp, og er fuktabsorberande. Det er utruleg mjukt og deilig, og klør ikkje. Med andre ord er det perfekt å ha innerst mot kroppen.

Klar for juleball

Kvelden før kvelden fekk vi plutselig ein ide om at det skulle være ny kjole til juleballet. Til vår store lykke fann vi eit stoff med noko som likna metallmaljer i skapet.

 

 

I fronten er det sydd sammen eit par lengder svart band, og midt over dette eit sølvfarga band. På biletet under, ser ein litt betre rynkeeffekten som går heile vegen langs begge forstykka.

 

For å lage rynkene klipte eg opp mønsteret frå midt famme og nesten heilt ut i sida 8 gonger oppover langs heile fronten. Så la eg mønsteret på mønstervlies og bretta utover som på biletet under. Sidesaumen blir då akkurat så lang som den skal være, medan midten blir lang.

 

 

For å få dette i rette proporsjonar igjen, så syr ein rynketrådar og rynkar forstykka ned til rett lengde igjen. Eg sydde midt framme på begge tøystykka på eit stødig band først, og etterpå sydde eg dekorbanda på framsida

Knytetopp

Dottera mi kom med bestilling på knytetopp.

Eg brukte mønsteret til ein vanleg, enkel genser som mal. Forstykka teikna eg på frihand og ryggstykket vart klipt av i livet, resten av mønsteret nytta eg som det var.

 

 

Når toppen er knytt ser den slik ut. Den er penare med matchande plagg under, men det er lett å sjå fasongen når ein fotograferer med kontrastfarge.
 

 Om ein ynskjer det, kan forstykka henge fritt utan å knyte. Ganske stilig med skjerf og langt smykke til.

 

Ryggen er klipt av i livet.
 

 

Uruleg flotte bilder gjer at sjølv det enklaste plagg blir ein fantastisk kreasjon.

Stoffet er kjøpt på Stoff og Stil.

Snart klar for julemesse

Då har eg latt meg lokke til å være med på årets juleverkstad i Runnevang på Rygg. Her er nokre av kreasjonane eg skal ha med til salgsmessa.

Undertrøyer i bambus. Eit fantastisk mjukt og flott stoff som har mange av dei eigenskapane som ull har. Fint for dei som ikkje toler så godt ull nært kroppen.

Bukser og gensarar i diverse fargar og fasongar. Fleire modellar og andre fargar enn det som er vist her vert det også.

Julekjoler i ulike design blir det også med.

I tillegg til dette vil eg ha med luer og små vesker i forskjellige fargar og utformingar.

Det som vert til overs kjem eg til å legge ut på eplabutikken min over helga.

Tante Melin

Klar for ein lang og regnfull haust

Eg er så heldig å ha ungdomar i hus som vil ha kreasjonane mine.

Den utvalde denne gongen har fått mjuk og god bukse i isoli. Mønsteret er etter ei gammal bukse som eg spretta opp og teikna av.

Der er kvit ribb i livet og rundt anklane.

Lommene er sydd av ein rest kvitt stoff med hovudskallar på. Det var berre smårestar att av stoffet då lommene var klipt, så då måtte resten av dekoren bli bokstavar plassert meir eller mindre tilfeldig rundt på buksebeina.

Her på nordvestlandet er det ikkje nok med mjuke og gode kle. Ein må også ha noko som held regn og vind unna:

Regnjakka er sydd av Stoff og Stil sitt regnstoff. Det er tøyelig og mjukt. På baksida er det isoli, så eg vil tru at dette plagget blir godt å ha på seg.

Den som er observant vil kanskje sjå at her er ting og tang som er litt skakt og langt frå perfekt. Det er ikkje så godt å nåle i stoff som skal være tett, så det hendte at stoffet flytta på seg medan eg sydde. Nokre gonger tok eg opp att, medan andre gonger måtte det berre bli som det vart. Det er jo grenser for kor mange gonger ein kan gjennomhole ei regnjakke før den blir lekk.....

Lommene er sydd utanpå og har fått klaffe over.

I armane er det satt trykknappar.

Hetta har løpegang til strikk eller snor, men mottakaren ville ikkje ha noko i.

På vranga er det stroke på sømtape, for at ikkje væte skal sige inn gjennom saumane.Om det blir tett, gjenstår å sjå.

Eg brukte eit  mønster frå Kreativ sin mønster CD  som mal. Desse mønstera printar ein ut på heimeprinteren. Det fine her er at ein skriv inn måla på pc'en før ein printer, og det som blir printa ut har perfekt størrelse til mottakaren. For ei som er litt dårleg på mønstertilpassing, så er dette heilt genialt!

Aurora design - ei artig utfordring!

For nokre månader sidan fekk eg ei lita tegning på ca 5x10 cm. Det var niesa mi som hadde designa sin eigen kjole.

Sånne utfordringar klarar jo ikkje tante å motstå.

Eg jobba ein del timar på kjolen, og eg må innrømme at eg var svært skeptisk undervegs. Eg var svært usikker på korleis dei to skarpe hovudfargane ville bli i lag.

Del på del vart lagt på framstykket, og etter kvart byrja det å likne på teikninga.

Det var faktisk nesten som å sy lappeteknikk, dette...

Banda og pompongane måtte syast på i omgangar for å sikre at det vart rett.

Stoff, band og pompongar er kjøpt på Stoff og Stil.

Veloursett til ein liten tøffing

Ein liten nabogut (med god hjelp frå mammaen sin) var så kjekk å passe Kåre-pus når vi var på ferie i sommar. Eg kunne selvfølgelig kjøpt ein pakke med sjokoladebitar som takk for hjelpa, men då hadde det nok vore ete opp allereie....

I staden leita eg fram velourstoffa mine og sydde eit  mjukt og deilig sett i grått med lilla monstertruckar på. Settet er sydd i ca str 2 år.

Lomma, armar og bein vart kanta med grå ribb.

Knea på buksa fekk forsterkning med monstertruckar på.

Stoffet er frå Stofstedet.

Regntunge sommardagar er supre sydagar!

Eg strevar fortsatt fordi symaskina mi er øydelagt, men eg har fått låne ei PFAFF 6152. Ikkje heilt ny maskin, men den er svært god. Den manglar ein del av funksjonane eg er vant til å bruke - men då må ein berre nytte fantasien i staden....

Her er enno eit eksemplar av sukkertøykjolen. Den liknar mykje på den forrige eg sydde, men blondene er frå Stoff og Stil og er ikkje elastiske, som på den forrige.

Mønsteret er fortsatt frå boka Made by me og stoffet er velour frå Stofstedet.

Over skuldra har eg slengt den nye weekendbagen min. Mønster og stoff er handla på Stoff og Stil. 

Veska knappast ned i sidene med trykknappar.  Når ein skal ha mykje med seg, er det berre å løyse trykknappane i sida, så rommar den meir.

Her er brukt eit biseband i velour. Eg tykte det var artig fordi det matchar foret i veska. I og med at det er så tjukt var det ikkje heilt enkelt å sy det pent på. 

Inne i veska er det ei lomme med glidelås og ei heilt enkel stikklomme bak denne.

Innerstoffet er velour og det er kanskje ikkje det mest praktiske inni ei veske. Om det kan være til nytte, så vert ein i alle fall i skikkelig godt humør av å sjå på det. Skikkelig gladfarge!